"Ехала Каляда ў чырвоным вазочку"
11.01.2024Кожны высокаадукаваны чалавек павінен ведаць традыцыі і звычаі свайго народа. Таму трэба ўсвядоміць, што чым болей нацыянальнага у выхаванні, тым мацней, духоўна багацей нацыя. Э
Адзін з выхаваўчых сродкаў, які дазваляе з'яднаць нацыянальныя (дзяржаўныя) інтарэсы дзіцяці, — народныя святы і абрады.
Народныя святы і абрады маюць свае адметнасці: калектывізм, перажыванне людзьмі аднолькавых эстэтычных пачуццяў, выяўленне і паказ здольнасцяў, яскравая, гульнявая форма правядзення, эстэтычнае афармленне і інш. Дзякуючы ім здзяйсняецца рознабаковае выхаванне дзяцей.
Народныя святы і абрады гэта сродак рознабаковага выхавання дзяцей старэйшага дашкольнага узросту, якія фарміруюць свабодную, духоўную і творчую асобу.
Сення разам з Гаспадаром і Гаспадыняй выхаванцы ветліва сустракалі гасцей, спявалі калядныя песні, гралі на музычных інструментах, гулялі у народныя гульні.
На свята завіталі калядоўшчыкі, Мядзведзь, Цыганка, і галоўная гераіня свята, Каза- сімвал урадлівасці і дабрабыту.
Каза весела скакала, танцавала, а потым раптоўна заціхла і упала на падлогу. Калядоўшчыкі спрабавалі ажывіць казу смачнымі пачастункамі. Толькі гаспадыні гэта ўдалося.
Свята атрымалася вясёлым і цікавым. Дзеці атрымалі станоўчыя эмоцыі і ўражанні. Нашы выхаванцы больш даведаліся пра народнае фальклорнае Свята, адчулі яго каларыт, дакрануліся да беларускай народнай культуры.
І, канешне, усе пачаставаліся смачнай традыцыйнай каляднай ежай.